དབུ་ཤོག >> སྐབས་དོན་གསར་འགྱུར། >> བོད་ཁུལ་གསར་འགྱུར།
ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱི་བོད་སྐད་རིག་ནུས་ཡིག་སྒྱུར་མཉེན་ཆས་
རྩོམ་པ་པོ། མི་གསལ། དུས་ཚོད། 2018-07-04 རྩོམ་ཁུངས། མི་དམངས་དྲ་བ། ཀློག་གྲངས། 1885

        ཟླ་7ཚེས་3ཉིན། ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱི་བོད་སྐད་རིག་ནུས་ཡིག་སྒྱུར་མཉེན་ཆས་ཁྱབ་སྤེལ་ཚོགས་འདུ་ཟི་ལིང་དུ་འཚོགས་པ་རེད།
        ཚོགས་འདུ་ནི་ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱི་ཅུས་ཀྲང་གཞོན་པ་ལི་ཞུས་ལེན་གྱིས་གཙོ་སྐྱོང་གནང་བ་དང་། ཧྲིན་ཀྲང་གཞོན་པ་དབྱང་ཧྥིང་ཁྲུན་དང་།  རྒྱལ་ཁབ་མི་རིགས་དོན་གཅོད་ཨུ་ལྷན་སློབ་གསོ་ཚན་རྩལ་སིའི་སི་ཀྲང་ཐེན་ལེན་ཀང་།   ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱི་ཏང་ཨུའི་ཧྲུའུ་ཅི་ལན་ཀྲི་ཆི།   ཀྲུང་དབྱང་མི་རིགས་སློབ་གྲྭ་ཆེན་མོའི་དེ་སྔའི་སློབ་གཙོ་གཞོན་པ་ཆི་མུའུ་ཐེ་ཞི།  མཚོ་སྔོན་ཞིང་ཆེན་མི་རིགས་ཆོས་ལུགས་ཨུ་ལྷན་གྱི་ཀྲུའུ་རེན་མཁས་པ།  མཚོ་སྔོན་ཞིང་ཆེན་མི་དམངས་སྲིད་གཞུང་གི་དྲུང་ཡིག་ཆེན་མོ་གཞོན་པ་ཝང་ཀྲི་ཀྲུང་།   མཚོ་སྔོན་སློབ་ཆེན་གྱི་སློབ་གཙོ་གཞོན་པ་ཆོས་སྐྱོང་སྲུང་མ།  མཚོ་སྔོན་དགེ་འོས་སློབ་ཆེན་གྱི་སློབ་གཙོ་གཞོན་པ་ཀྲའོ་ཧེ་ཞིན་བཅས་འགོ་ཁྲིད་ཞུགས་ཡོད་པ་རེད།
       ཐེངས་འདིའི་ཁྱབ་སྤེལ་ཚོགས་འདུའི་ཐོག་ཏུ་ཁྱོན་བསྡོམས་ཡིག་སྒྱུའི་མཉེན་ཆས་རིགས་12འགྲེམས་ཡོད་པ་སྟེ། བོད་རྒྱ་(རྒྱ་བོད་)རིག་ནུས་ཡིག་སྒྱུར་མ་ལག་ ( དྲ་རྒྱའི་པར་མ་)དང་། བོད་རྒྱ་གླེང་མོལ་འབྲེལ་ལམ་( ཨན་ཀྲོའུ་པར་གཞི་དང་། ཀུ་ཤུ་པར་གཞི་དངPCཔར་གཞི་)དང་། བོད་རྒྱ་སྐད་གདངས་བསྒྱུར་བའི་འབྲེལ་ལམ་( ཨན་ཀྲོའུ་པར་གཞི་དང་། ཀུ་ཤུ་པར་གཞི་དངPCཔར་གཞི་)དང་། སུའུ་ཀོའུ་བཤར་ཆས་བོད་རྒྱ་ཕན་ཚུན་ཡིག་སྒྱུར་གྱི་མཉེན་ཆས་དང་། བོད་ཡིག་གི་སྐད་གདངས་ནང་འཇུག་བྱེད་ཐབས་(ཨན་ཀྲོའུ་པར་གཞི་དང་ཀུ་ཤུ་པར་གཞི་)དང་།  Windowsབོད་ཡིག་གི་སྐད་གདངས་ནང་འཇུག་བྱེད་ཐབས(PCཔར་གཞི་ ) དང་། བོད་རྒྱ་རིག་ནུས་ཀྱི་སྐད་གདངས་ཡིག་སྒྱུར་མཉེན་ཆས་( ཨན་ཀྲོའུ་པར་གཞི་དང་ཀུ་ཤུ་པར་གཞི་)དང་།  བོད་ཡིག་དྲ་རྒྱའི་དྲ་ཐོག་ཞུ་དག་མཉེན་ཆས་དང་། བོད་ཡིག་གི་གློག་རྡུལ་ཚིག་མཛོད་དང་། དེབ་ངོས་བོད་ཡིག་དབྱེ་འབྱེད་(OCR)མཉེན་ཆས་དང་། རིག་ནུས་ཁྲིམས་སའི་འདྲི་གཅོད་སྐད་གདངས་མ་ལག་དང་། བོད་རྒྱ་པར་ལེན་ཡིག་སྒྱུར་མ་ལག་བཅས་ཡིན། གོང་གི་མཉེན་ཆས་དག་དྲ་ཚིག་འདི་ནས་http://www.mzywfy.org.cn/download.jspཕབ་ལེན་བྱ་ཐུབ་ཀྱི་ཡོད་པ་རེད།