འཛམ་གླིང་ཁྱོན་དུ་བོད་སྐད་སྤྱོད་བཞིན་པའི་ཡུལ་གྲུ་ག་ཙམ་ཡོད་དམ།
དབུ་ཤོག >> བོད་ཀྱི་རིག་གནས། >> སློབ་གསོ། >> བོད་ཡིག་བཀོལ་སྤྱོད།
འཛམ་གླིང་ཁྱོན་དུ་བོད་སྐད་སྤྱོད་བཞིན་པའི་ཡུལ་གྲུ་ག་ཙམ་ཡོད་དམ།
རྩོམ་པ་པོ། མི་གསལ། དུས་ཚོད། 2018-07-16 རྩོམ་ཁུངས། སེམས་ཀྱི་ཉི་ཟླའི་བོད་ཡིག་དྲ་བ། ཀློག་གྲངས། 57

 རྒྱལ་ཁབ་ལྟར་དབྱེ་ན། བོད་སྐད་བེད་སྤྱོད་བྱེད་མཁན་རྒྱལ་ཁག་ལྔ་རུ་ཁྱབ་ཡོད་པ་སྟེ། ཀྲུང་གོའི་བོད་ཡུལ་དང་། འབྲུག་ཡུལ། བལ་པོ། རྒྱ་གར། ཕ་ཀི་སི་ཐན་བཅས་ཡིན་ཞིང་། བོད་སྐད་ནང་ཁུལ་ལ་ཡུལ་སྐད་མི་འདྲ་བ་ཆེ་ཁག་ཁ་ཤས་ཤིག་གཤམ་དུ་བཀོད་ཡོད་ལ། དེ་ནི་ངའི་བློ་ངོར་ཡོད་ཚད་རགས་བསྡུས་ཀྱིས་བཀོད་པ་ཙམ་ལས་ཞིབ་འཇུག་གཏིང་ཟབ་བྱས་ཐུབ་མེད། སྣོན་འཕྲི་དང་། མིང་འདོགས་སྟངས། དབྱེ་བ་དགར་སྟངས་སོགས་ལ་བསམ་འཆར་འདོན་རོགས།

ཀྲུང་གོའི་བོད་ཡུལ།

དབུས་སྐད། ལྷ་ས་གྲོང་ཁྱེར་ཁོངས་གཏོགས་ཀྱི་རྫོང་ཁ་ཤས།

གཙང་སྐད། གཞིས་རྩེ་ས་ཁུལ།

ཀོང་པོའི་སྐད། ཉིང་ཁྲི་ས་ཁུལ།

སྟོད་སྐད། མངའ་རིས་ཁུལ།

ལྷོ་ཁའི་སྐད། ལྷོ་ཁ་ས་ཁུལ།

ཧོར་སྐད། ནག་ཆུ་ཁུལ།

ཁམས་སྐད། ཆབ་མདོ་ས་ཁུལ། དཀར་མཛེས་ཁུལ། ཡུལ་ཤུལ་ཁུལ། བདེ་ཆེན་ཁུལ། ཁམས་སྐད་བཤད་མཁན་ནི་ད་དུང་ཀན་ལྷོ་ས་ཁུལ་ཅོ་ནེ་དང་མངའ་རིས་ཁུལ་དགེ་རྩེ་རྫོང་སོགས་སུ་ཡང་ཡོད།

ཨ་མདོའི་སྐད། མཚོ་ཤར་ཁུལ། མཚོ་ལྷོ་ཁུལ། མཚོ་ནུབ་ཁུལ། མཚོ་བྱང་ཁུལ། རྨ་ལྷོ་ཁུལ། མགོ་ལོག་ཁུལ། ཀན་ལྷོ་ཁུལ། རྔ་བ་ཁུལ། ད་དུང་དཀར་མཛེས་ཁུལ་གྱི་གསེར་རྟ། ལི་ཐང་། དཔལ་ཡུལ་སོགས་འབྲོག་སྡེ་མང་པོ་ཞིག་ནི་ཨ་མདོའི་སྐད་རྒྱག་མཁན་ཡིན།

རྒྱལ་རོང་སྐད། རྔ་བའི་འབར་ཁམས། ཆུ་ཆེན། བཙན་ལྷ། བཀྲ་ཤིས་གླིང་། དཀར་མཛེས་རོང་བྲག་སོགས།

འབྲུག་ཡུལ།

རྫོང་ཁ། རྫོང་ཁ་ནི་འབྲུག་གི་གཞུང་སྤྱོད་སྐད་ཡིན། རྫོང་ཁག་ཉི་ཤུའི་ནང་གི་རྫོང་ཁག་བརྒྱད་དེ། ཐིམ་ཕུ། སྤ་གྲོ། པུ་ན་ཁ། དབང་འདུས་ཕོ་བྲང་། སྒར་ས། ཧའེ། རྡ་གར་ན། ཆུ་ཁ་བཅས་ཀྱིས་ཡུལ་སྐད་ཡིན།

ཁྱོད་ཅ་ང་ཁ། ལྷུན་རྩེ་དང་མོན་སྒར་རྫོང་སོགས།

ལ་ཁ། དབང་འདུས་ཕོ་བྲང་གི་སྡེ་ཚོ་ཁ་ཤས།

མེ་རག་ས་སྟེང་འབྲོག་སྐད། བཀྲ་ཤིས་སྒང་གི་འབྲོག་སྡེ་ཁག་གཅིག

དུར་གྱི་འབྲོག་སྐད་དམ་འབྲོག་སྐད། བུམ་ཐང་གི་འབྲོག་པ་ཁག་གཅིག

བལ་ཡུལ།

ཤར་པའི་སྐད། ཤར་པའི་སྐད་ནི་རི་བོ་ཇོ་མོ་གླང་མ་དང་གངས་ཅན་མཛོད་ལྔའི་འགྲམ་རྒྱུད་ཀྱི་སྡེ་ཚོ་ཁག  དེ་ཡང་ཤར་ཁུམ་བུ། རྡོ་ལ་ཁ། ཏྲ་པོལ་ལྗོངས། སན་ཁུ་ཝ་ས་སྦ། སེན་དྷུ་པལ་ཅོག་སོགས་དང་ད་དུང་བོད་ཀྱི་འགྲམ་ས་ཁུལ་དུ་ཡང་བེད་སྤྱོད་བྱེད་མཁན་ཡོད།

དོལ་བོའི་སྐད། དོལ་བོ་རྫོང་།

གློ་བོའི་སྐད། གློ་སྨིན་ཐང་རྫོང་།

གྲོག་པོ་སྒོ་ལའི་སྐད། ཏྲ་པོལ་ལྗོངས་རྫོང་ཁོངས་ཀྱི་སྡེ་ཚོ་ཁ་ཤས་ཤིག

རྒྱ་གར།

འབྲས་ལྗོངས་སྐད། འབྲས་ལྗོངས་མངའ་སྡེའི་ཁུལ།

ལ་དྭགས་སྐད། འཇམ་མུ་ཀ་ཤི་མིར་མངའ་སྡེའི་ལ་དྭགས་རྫོང་། སྐར་རྒེལ་རྫོང་ཁོངས་ཀྱི་ཟངས་དཀར་སོགས།

པུ་རིག་སྐད། ལ་དྭགས་ཁོངས་ཀྱི་སྡེ་ཚོ་ཁ་ཤས།

སྤི་ཏི་སྐད། ཧི་མ་ཅལ་མངའ་སྡེའི་ཁོངས་ལ་ཧུལ་དང་སྤི་ཏི་སོགས།

གར་ཞྭ་སྐད། ལ་ཧུལ་དང་སྤི་ཏི།

ཉམ་སྐད། ཁུ་ནུ་རྫོང་།

ཕ་ཀི་སི་ཐན།

སྦལ་ཏིའི་སྐད། སྦལ་ཏི་སི་ཐན་དང་རྒན་ཆེ་སོགས་ཕ་ཀི་ཐན་གྱི་བྱང་ཕྱོགས་ས་ཁུལ།

ཝེ་ཁེ་རིག་མཛོད་ལས་དྲངས།

 

རྩོམ་སྒྲིག་པ། (ཚེ་རིང་དོན་འགྲུབ།)