དབུ་ཤོག >> མི་རིགས་ཆོས་ལུགས། >> དགོན་སྡེ་ངོ་སྤྲོད།
གསེར་ཁོག་དགོན་པ།
རྩོམ་པ་པོ། མེད ། དུས་ཚོད། 2013-03-27 རྩོམ་ཁུངས། སེམས་ཀྱི་ཉི་ཟླའི་བོད་ཡིག་དྲ་བ། ཀློག་གྲངས། 207

       གསེར་ཁོག་དགོན་པ་སྟེ་བཙན་པོ་དགོན་ནི་མཚོ་སྔོན་ཏ་ཐུང་རྫོང་གི་བྱང་ཕྱོགས་ལུང་བ་ཞིག་ན་ཡོད་ལ། ས་དེའི་མིང་ལ་རྒྱའི་སྐད་དུ་ཏོང་ཞཱ་ཞང་ཟེར་བ་དང༌། ཏ་ཐུང་ནས་དགོན་པ་བར་དུ་སྤྱི་ལེ༡༨ཡོད། དགོན་པ་འདི་ནི་བཙན་པོ་དོན་གྲུབ་རྒྱ་མཚོས་སྤྱི་ལོ༡༦༥༠ལོར་བཏབ་པ་ཞིག་ཡིན། བཙན་པོ་དོན་གྲུབ་རྒྱ་མཚོ་ནི་བོད་ལྗོངས་དགའ་བ་གདོང་གི་མི་ཡིན་ལ། ཆུང་དུས་ནས་འབྲས་སྤུངས་དགོན་པར་ཞུགས་ནས་གཞུང་ཆེན་རྣམས་ལ་ལེགས་པར་སྦྱངས། རྗེས་སུ་མཚོ་སྔོན་དུ་ཕེབས་ཏེ་སྐུ་འབུམ་དང་དགོན་ལུང་སོགས་ནས་ཁྲི་མཛད་དེ་དགོན་པ་བསྐྱངས། ཁོང་གིས་དགོན་པ་འདི་ཉིད་ཀྱི་བཏབ་རྗེས་ཀྱི ༡༦༥༣ ལོར་རྒྱལ་དབང་ལྔ་བ་ཆེན་མོ་ངག་དབང་བློ་བཟང་རྒྱ་མཚོ་རྒྱལ་སར་སྐྱོད་དེ་ཕྱིར་དབུས་གཙང་དུ་ཕེབས་པའི་ལམ་བར་དུ་འདི་ག་དགོན་པར་ཕེབས་ནས་སེར་སྐྱ་མང་ཚོགས་ལ་ཆོས་ཀྱི་སྦྱིན་པ་རྒྱ་ཆེར་གནངས་པས་དགོན་པའི་མཚན་སྙན་ཕྱོགས་བཞིར་རྒྱས་ཏེ། བར་སྐབས་ཤིག་ལ་གྲྭ་བ་བདུན་བརྒྱ་དང་གྲྭ་ཤག་དྲུག་བརྒྱར་བུད་མྱོང་བའི་ལོ་རྒྱུས་ཡོད། ད་ལྟ་སྲིད་གཞུང་གིས་མ་དངུལ་བཏང་སྟེ་དགོན་པ་བསྐྱར་བཞེངས་བྱེད་བཞིན་པའི་སྒང་ཡིན་ལ། གྲྭ་བ་ཉི་ཤུ་ལྷག་གནས་དེ་རུ་གཏན་སྡོད་བྱས་ཡོད།